गौतम बचुटे/केज: केज शहरातील शिक्षक कॉलनी (Teacher Colony) येथे राहणारे ५७ वर्षीय प्रकाश भगवान तांदळे हे गेल्या ८ महिन्यांपासून बेपत्ता (Missing) आहेत. या प्रकरणी आता केज पोलीस ठाण्यात (Kej Police Station) अज्ञात व्यक्ती विरुद्ध अपहरणाचा (Kidnapping Case) गुन्हा दाखल करण्यात आला आहे.
पोलिसांनी दिलेल्या माहितीनुसार (According to Police), प्रकाश भगवान तांदळे (वय ५७) हे दि. २६ फेब्रुवारी २०२६ रोजी दुपारी २ वाजता घरातून कोणालाही न सांगता निघून गेले होते. घरातून गेल्यानंतर २-३ महिन्यांनी त्यांनी एका मोबाईलवरून (Mobile Call) कुटुंबीयांना फोन करून “मी पुण्यात (Pune) आहे, ४-५ दिवसात केजला परत येतो” असे सांगितले होते. कुटुंबीयांनी २८ ऑगस्ट २०२६ पर्यंत त्यांची वाट पाहिली. ते परत न आल्याने मुलगा अमोल तांदळे यांनी दि. २९ ऑगस्ट रोजी केज पोलीस ठाण्यात हरवल्याची तक्रार (Missing Complaint) दाखल केली होती. १२ ऑक्टोबर २०२६ पर्यंतही प्रकाश तांदळे यांचा कोणताही तपास लागला नाही आणि ते घरी परतले नाहीत. त्यामुळे त्यांचे अपहरण (Kidnapping) झाले असावे असा संशय कुटुंबीयांनी व्यक्त केला आहे. यावरून अमोल तांदळे यांच्या फिर्यादीवरून (On Complaint) केज पोलीस ठाण्यात अज्ञात व्यक्ती विरुद्ध अपहरणाचा गुन्हा (FIR Registered for Kidnapping) दाखल करण्यात आला आहे.पुढील तपास (Further Investigation) सहाय्यक पोलीस उपनिरीक्षक (API) प्रल्हाद चव्हाण हे करीत आहेत
बेपत्ता व्यक्तीचे वर्णन (Description of Missing Person):
नाव – प्रकाश भगवान तांदळे, वय – ५७ वर्ष (Age 57), उंची – ५ फूट ६ इंच (Height 5’6″), रंग – गोरा, डावा हात थोडा वाकडा, अंगाने मजबूत, भाषा – मराठी, डोळ्याला नंबरचा चष्मा.
कोणाला काही माहिती मिळाल्यास केज पोलीस ठाण्याशी संपर्क साधावा.
