केज/प्रतिनिधी: घरासमोर उभी केलेली महिंद्रा बोलेरो आणि मोटर रिवायडिंगच्या वायरवर अज्ञात चोरट्यांनी डल्ला मारल्याची घटना केज तालुक्यातील मौजे भोपला येथे घडली आहे.
तालुक्यातील कोठी येथील शेतकरी परमेश्वर दशरथ डोंगरे (वय ३८) यांनी भोपला येथे घरासमोर पांढऱ्या रंगाची महिंद्रा बोलेरो (क्र. MH 38 3815) पार्क केली होती. दि. २ सप्टेंबर २०२६ रोजी दुपारी २:३० वाजेच्या सुमारास अज्ञात चोरट्याने ही बोलेरो आणि सोबत असलेले मोटर रिवायडिंगचे वायर चोरून नेले.
या चोरीत अंदाजे ३ लाख रुपयांची बोलेरो आणि ४५ हजार रुपयांचे वायर, असा एकूण ३ लाख ४५ हजार रुपयांचा मुद्देमाल चोरीला गेला आहे. याप्रकरणी केज पोलीस ठाण्यात अज्ञात चोराविरुद्ध गुन्हा दाखल करण्यात आला आहे. पुढील तपास पोह आघाव करत आहेत.